మూగ ప్రేమ

                                 

                         దివి నుండి దిగిన దేవతలా

                        ఎదురుగా ఆమె

చూసి చానాళ్ళే అయింది

కనీసం పలకరించాలని

ఎన్నివత్సరాలు వేచిఉన్నానో..

కాని గొంతు విప్పలేకున్నాను..

మనసులో మాట మూగబోయింది..

పలకరించబోయేంతలో

ఎవరు మీరు అన్న ప్రశ్నతో

గుండె వేల ముక్కలయింది

జ్ఞాపకాల కుట్లు వేసుకొని

జీవితాన్ని రీవెండ్ చేసుకుంటే

కళ్ల ముందుకు గతం ఆవిష్కృతమయింది

కాలేజీలు బంక్ కొట్టి కాపుకాసి

రోజా పువ్వై రోజూ ఆ సిగన చేరిన క్షణాలు

ఆమె నవ్వుల పలకరింపుకోసమే కదా

నీడలా తోడుగా వెంట నడిచిన వైనాలు

అబ్బో రోమియోను మించిపోయానేమో

నాడు

మనసులోనే ప్రేమించి చెప్పలేక పోయా

నేడు

నా మనిషి కాకుండా పోయిందని

మనసు విప్పలేకపోయా..

ఇంతలో ఎవరో పలకరించారు

మీరెక్కడికి పోవాలని

కాటికని చెప్పలేకపోయా.......