ఒక్క పదం చాలదా
వేల ఆలోచనలు పుట్టడానికి .
ఒక్క చురక చాలదా
నిద్రిస్తున్న మెదళ్ళు మేల్కొనడానికి
అహంకారంతో కళ్ళను మూసుకొంటే
అక్షరాలు తిరుగుబాటు ప్రకటిస్తాయి
అక్షరాలు తిరుగుబాటు ప్రకటిస్తాయి
ఇమిడివున్న భావాలకు ఏదో ఒక రంగు పూస్తే
అవి రగిలే గుండెల శ్వాసగా మారుతాయి ..
కలాన్ని ఇజాలనే చట్రంలో బంధించేస్తే
అరచేతుల్లో సముద్రాన్ని పట్టిపెట్టినట్టే !
శవాన్ని పాతిపెట్టినట్టు అక్షరాలను
నేలలో పాతాళానికి పాతలంటే
శవాన్ని పాతిపెట్టినట్టు అక్షరాలను
నేలలో పాతాళానికి పాతలంటే
అవి నిర్జీవమైన శవాలు కావు శరాలు
మొలకలై మొలకెత్తి .. చిగురులై శిరస్సు ఎత్తి
కొమ్మలు రెమ్మల్లుగా అల్లుకుపోయే
జీవితాల పరిమళాల్ని పెనవేస్తుకున్న బీజాక్షరాలు !
అక్షరం మరణించదు
ఆలోచనా మరణించదు
మరణిస్తే
అది అక్షరమెందుకు అవుతుంది ..
ఆలోచన ఇవ్వకపోతే
అది చైతన్యమెందుకు అవుతుంది ..!!