నీవు దగ్గర వున్నపుడు ఎప్పుడూ తెలియలేదు
ఎడబాటు లో ఇలా జ్ఞాపకాలు వెంటాడుతాయని..
నీవు దూరంగా వున్నా .. నా దగ్గరే వున్నట్టు
గాలి అలికిడి విన్న .. నీవు పిలిచినట్టు
నా నీడ నీవై కబుర్లు చెబుతూ వెంట నడిచినట్టు
పండు వెన్నెల కాస్తోంది అచ్చం నీవు వచ్చినట్టు
సెలయేరు పారుతోంది గల గలా నీవు నవ్వినట్టు
మెరుపు మెరుస్తోంది.. నీ వాలు చూపు గుచినట్టు
ఉరుము గర్జిస్తోంది .నాపై నీకు కోపం వచ్చినట్టు..
అలా చూడు .. కోయిల నీలా పాడుతోంది..
ఇటు చూడు .. నెమలి నీలానే నాట్యమాడుతోంది
రాత్రి ..ధాత్రిని కప్పేస్తోంది నీ కురులు ఆరబోసినట్టు..
నీ మాటల ముత్యాలు ఏరుకుంటూ
నీ గురుతుల వీణలను మీటుకుంటూ
ఎడబాట ఎడారిలో ఒయాసిస్సా
నీకోసం చకోరమై ... ఎదురు చూస్తూనే ఉంటా
ప్లీజ్ త్వరగా వచ్చేయవా ?
- కరణం లుగేంద్ర పిళ్ళై
No comments:
Post a Comment
Comment on Telgu poem