 |
| ఆర్ట్ - యం గణేష్ కుమార్ |
భావాలను చేరవేసే
సాధనాలు వున్నప్పుడు
దేశాల సరిహద్దులను
స్నేహం చెరిపివేస్తుంది!
మిత్రమా ......
ఊసులు యంటినా కేబుల్లై
అడుగడుగునా పెనవేస్తున్నాయి
బాసల భావాలు సంక్షిప్త సందేశాలై
రింగ్ టోన్లై నిడురలేపుతున్నట్టే
ఎవరికివారం చెల్లా చెధురైనా
నడిపే చోదక శక్తి ఒకటే కదా
అంతా ఒకే వైపు అడుగులు వేస్తున్నట్టే జీవితాలు చిగురులై మొలకెత్తి
కొమ్మలు రేమ్మలుగా విస్తరిస్తూవుంటే
సంకుచిత భావాజాల కత్తితో తుంచ లేము కదా
మోడుబారిన కొమ్మలలో కోయిలను వెతకడం
ఎడారి ఇసుక తిన్నెలలో సేద దీర్చు సరోవరాలు వెదకడం
మనం నిత్యం చేస్తున్నాము ..
జీవనం యాంత్రికమైన చోట
మనిషి తత్వాన్ని తట్టిలేపే పిలుపు ఓ మొబైల్ అవ్వొచ్చు
గమ్యం చేరలేని ఎన్నో ఓడలలు
తీరాలై రమ్యమైన ఆతిద్యం ఇచ్చేదే ఓ చాటింగ్ అవ్వొచ్చు
మనిషంటే ..మౌనం కాదు ..
మనిషంటే ..ముడుచుకు పోవడం కాదు ..
మనిషంటే ఎన్నో భావాలకు ప్రతిబింబం !
మనిషంటే స్నేహం ఊపిరిన నిండుదనం !!
కరణం లుగేంద్ర పిళ్ళై
No comments:
Post a Comment
Comment on Telgu poem