దృశ్యం

పల్లె పొలాలలో  రైతు ఎద్దులతో

దుక్కి దున్నే  దృశ్యం ముందు
ట్రాక్టర్ తో దుక్కి దున్నే దృశ్యం వెల వెలా పోతుంది ..
బిడ్డకి అమ్మ పాలు ఇచ్చే దృశ్యం ముందు
ఆయా బుడ్డి పాలు పట్టే దృశ్యం వెలసి పోతుంది ..

నారుమడిలో నాట్లు వేస్తున్న

పల్లె పడుచుల దృశ్యం ముందు
ఒత్తిడితో కంప్యూటర్ లో హడావిడిగా పనిచేస్తున్న

లేటెస్ట్ అమ్మాయిల దృశ్యం చిన్నబోతుంది !!
జట్టుగా నింగికి ఎగిరే కొంగల గుంపు ముందు
విమానాల రొదలు వికారం కల్పిస్తాయి ..
ఏదైనా అంతే

జీవితం సహజంగా ఉంటేనే అందగిస్తుంది

కృతిమంగా ఉంటే మనిషికి మిషన్ కు తేడా ఏమివుంటుంది !

సహజంగా ఉండే ప్రకృతి అందానిస్తుంది! ఆహ్లాదాని ఇస్తుంది !

సహ జీవన సౌందర్యం  బతుకుకోక అర్థాన్ని కల్పిస్తుంది !                                              -కరణం లుగేంద్ర పిళ్ళై