నాతిచరామి!
పెళ్లిచూపులు
కట్నకానుకలు
లగ్న పత్రికలు
ఇవే కాదు పెళ్ళంటే !
ఏడు అడుగులు
మూడుముళ్ళు
మంగళ వాయిద్యాలు
ఇవే కాదు పెళ్ళంటే !
నెత్తిన అక్షింతలు
పోసుకునే తలంబ్రాలు
పట్టు పీతాంబరాలు
ఇదే కాదు పెళ్ళంటే !
విందులు వినోదాలు
అతిధి మర్యాదలు
ఆకాశమంత పందిర్లు
ఇదే కాదు పెళ్ళంటే !
పెళ్ళంటే స్నేహాని పెంచుకొని
తోడూ నీడలా
ఒకే ఊపిరి దారంతో
పెనవేసుకొనే రెండు హృదయాలు !
పెళ్ళంటే ఆహాలను చంపి
ఒకేదారిలో నడిచేందుకు
రెండు జీవితాలు
చేసుకున్న సర్దుబాట్లు !!
- కరణం లుగేంద్ర పిళ్ళై
No comments:
Post a Comment
Comment on Telgu poem